احتل قلبي
بقلم الكاتبه جيجي
البدله الى انت لابسها دى اقلعها بقت من ضمن ممتلاكاتى خلاص
الشاب قال بغضب…..بدلة ايه الى عيزانى اقلعها انا الشركه الى اخدتيها ببساطه دى انا موقفها على اكتافى
قربت منه وحطت اديها على اكتافه بدلع وقالت ….لو عايز الشركه نتفاهم بس برضه اقلع البدله
الشاب قال…انتى اتجننتى خالص انا هطق منك ايه القرف ده انتى مرات ابويا مرات أبويا فاهم يعنى ايه ..
البنت قالت…فاهمه بس يعنى طالما ابوك اتكل على الله ومات يبقى عادى نتجوز مش كده
الشاب بصلها بحقد وقال…لا وعلى ايه خدى البدله اهون اهوه وقلع البدله ورماها بغضب على الارض وطع وقف تاكسى ونزل مكان كده شعبى وبقى يخبط على الباب وفتحت ست فى الاربعين
وقالت بصدمه …مالك انت بتعمل ايه هنا
مالك قال….حاسبى التكسى ده الاول وبعدين ياعمتى
الست قالت …طيب ادخل ادخل وحاسبت التاكسى ومشتو وطلعت على اوضه من الأوض واخدت منها هدوم بس كان فى بنت فى العشرين نايمه على السرير صحيت من الصوت
وقالت بنوم …ايه ياسوسو فى ايه
امها قالت بصوت واطى…. مالك ابن خالك تحت والنبى يارضوى أوعى تعكى الواد حالته صعبه ونزلت جرى ورضوى قعدت باستغراب
وقالت ….وده ايه الى فكره بينا ده ولبست نضارة النظربتاعتها ونزلت وشافته قاعد فى الصاله واتقدمت عليه
وقالت بضيق…انت ايه الى جابك هنا
مالك قال …مين دى ياعمتى
رضوه قالت …امم عمتك وايه الى فكرك بيها بقى
مالك قال بحزن …ملقتش مكان اروح عليه حتى حسابى فى البنك اخدته كان حساب مشترك مع بابا وأول ماحولت كل حاجه على اسمها نقلته ليها انا عندى بيت صغير بس مفيهوش اكل
سعاد قالت…خلاص بقى ياحبيبى كفاياك قطعت قلبى البيت بيتك
مالك قال….خلاص ايه بقى ياعمتى بقولك انا فلست بقيت مفلس دى جابتنى من الفيلا بتاعتنا بالبوكسر والفنيلا تقوليلى اهدى
رضو بصتله بستغراب وقالت…هى مين دى الى اخدت فلوسكم
مالك بصلها وقال…مرات بابا لما بابا مات جينا نقسم التركه لقيناهامضته على كل أملاكنا وقالتلى اقلع البدله الى لابسهابقت بتاعتى وقلعتهارميتها فى وشها وجيت فى التكسى كده لهدوم ولافلوس وشوفى لابس ايه هدوم معفنه ريحتها كفايه
رضوى بصتله بغيظ وقالت….مش تحمد ربك عليها بدال متقعد على الله الستر كده وسابته وطلعت على أوضتها بغضب
وسعاد قالت…ملكش حق يابنى دى هدوم المرحوم أبوها رضوى بتزعل هروح اشوفها واجى مالك شم الهدوم
وقال….المرحوم ده مات يعنى مش كده
سعاد قالت وهى بتمشى …لا ده اخد المرحوميه عن حب
وراحت عند رضوى واول مادخلت
رضوى بصتلهاو قالت بغضب …اوعى تقوليلى انك هتقعديه معانا هنا والله انط من البلكونه واخلص
سعاد قالت….ايوه ياحبيبتى امال يعنى هنسيبو كده فى الشارع
رضوى قالت….طب ماهما سابونا حتى ورثك أكلوه دول حتى مبيشوفوناش انت ليه شايله همو وبعدين احسن عشان ياكلو حق الناس كويس
سعاد قالت…يابنتى خالك مات وخالص ميبقاش قلبك أسود علشان خاطرى ومالك دخلو ايه بس فتره كده وهيمشى
رضوى قالت…وتوفيق هيرضى ان شحط زى ده يقعد فى بيت واحد مع خطيبته
أمها قالت …والله لو مش عاجبه ياجى يخليكى مراتو وياخدك بدال ماهو راهنك كده ليه سنتين وقاعد جمبك انا هديلو الأوضه
