فستان فرح
لاقيت نفسي مرميه علي الارض بفستان الفرح
وحواليا دم كتير واهلي كلهم حواليا وبيعيطوا بحرقه
عليا اتصدمت من المنظر وقولت بصدمه .. ايه ده
مين ده دي انا ايوه انا طب ازاي ما أنا اهو ولابسه
فستان فرحي اهو اومال مين اللي قدامي دي فضلت
اصرخ وانادي.. يا بابا واخويا علاء واقولهم .. أنا
عايشه اهو انا مموتش انتم مش سامعيني ليه حد يرد عليا فضلت اصرخ بصوت عالي بس لا حياه لمن تنادي وهنا ادركت فعلا اني خلاص موت وانا مجرد روح بس ازاي انا موت حد قاتلني ايوه افتكرت اللي عمل فيا كده
ورجعت بذاكرتي لي اول فرحي بس اعرفكوا بنفسي
انا رحمه عندي 25 سنه محبوبه بين الكل ودي بشهاده كل اللي يعرفني مخطوبه وخطيبي بيحبني وانا بحبه ومتفاهمين جدا مع بعض وكان النهارده يوم فرحنا وكنت مبسوطه جدا وفرحانه بي فستاني الابيض زي ما اي بنت بتفرح بي فستانها وتحس كأنها ملكه ومستنيه الأمير بتاعها وفجاه تليفوني رن وكان كريم خطيبي اللي قالي.. انا مبسوط اووي يا رحمه اخيرا هنتجمع انا وانتي في بيت واحد كلها دقايق وتبقي
مراتي يا حبيبتي
رحمه.. وانا كمان مبسوطه اوي اني هكون معاك
رد عليا بفرحه وقالي.. ربنا يخليكي ليا أنا جاي في الطريق
قفلت معاه ودخلت عليا يارا ودي بقي صحبتي وزي اختي معزتها حاجه كده مقدرش اوصفها هي بالنسبالي كل حاجه قالتي بفرحه.. زي القمر يا رحمه انا مبسوطه اووي وكأني انا اللي يتجوز مش انتي
رحمه.. ربنا يخليكي ليا يا يارا
يارا.. هو العريس فين اتأخر
رحمه.. جاي في الطريق
يارا… اخوكي حالا هيدخل يعملنا هوليله علشان كريم اتأخر
دخل علاء وقال.. مين بيجيب سيرتي
رحمه.. جبنا سيره القط اهو طلع ينط
علاء.. هههههه بقي كده ماشي الله يكون في عونك يا كريم
رحمه.. ريح نفسك ده بيموت فيا شوف نفسك بقي
يارا.. لا يا حبيبتي انا وعلاء بنموت في بعض وكمان ده جوزي حبيبي
علاء.. شوفتي بقي
رحمه.. هههههه ربنا يسعدكم المهم شكلي حلو ولا ايه
يارا.. قمر يا حبيبتي
رحمه.. يا تري كريم لما هيشوفني هيقول ايه
علاء.. مش كفايه انه هياخدك مننا
رحمه.. محدش يقدر ياخدني منكم ابدا
دخل بابا وقالي.. بسم الله تبارك الرحمن قمر يا حبيبتي
رحمه. ربنا يخليك ليا يا بابا
بابا.. ويسعدك يا حبيبتي
علاء.. اومال فين كريم كل ده علي ميجي
بابا.. مستعجل علي ايه زمانه جاي في الطريق خلينا نشبع منها شويه
دخلت مني وقالت.. مين العروسه ناو
علاء.. أهي جات تي نونو اهيه
مني.. يا رخم انت ملكش دعوه أنت
رحمه.. تعالي يا مني
مني.. حاسه انها من غير نفس يا رحمه
رحمه.. مالوش داعي الكلام ده دلوقتي
يارا.. طيب يالا احنا دلوقتي
كلهم خرجو وفضلت مني اللي قالتلي.. انا عارفه انك زعلانه مني بس والله كان غصب عني
رحمه.. غصب عنك انك تحبي خطيبي غصب عنك لما الاقي صورته عندك بالصدفه
مني.. قولتلك انها كانت من زمان ونسيت امسحها انا كنت بحب كريم بس لما عرفت انكم بتحبو بعض والله شلتو من دماغي بس فعلا نسيت امسح الصوره والله صدقيني
رحمه.. معني انك تحتفظي بصورته يبقي انتي لسه بتحبيه
مني.. كنت.. دلوقتي لا صدقي بقي
رحمه.. عالعموم مش وقته الكلام ده يا مني
دخلت حور وقالت.. يا عروسه مبروك
رحمه.. الله يبارك فيكي يا حور
حور.. زي القمر يا حبيبتي ربنا يسعدك
تليفوني رن وكان كريم وقولت.. طيب عن اذنكم
مشيت من قدامهم وقالت حور.. يختي منصوفه هتجوز قبلنا وكريم قمر ومز اتنصفت مش زينا معرفتيش تزقعيه انتي يا خايبه
مني.. يالا بقي نصيب
