سهر

_مش حان الوقت بقى عشان تعرف مراتك إنك متجوز عليها.

كانت دي جملة والدي ليا بعد ما جيت من برا وأنا تعبان، رجعت راسي لـِ ورا بهدوء وبصيتلهُ بـِ ملل على موضوع كل يوم وقولت:

=يا والدي قولتلك قبل كدا مستحيل، سهر لو عرفت إني متجوز عليها مش هتسكت وأنا مش عايزها تبعد عني.

إتنهد وقال:

_بس هي من حقها تعرف، وبعدين لما إنت بتحبها ومش عايزها تبعد عنك إتجوزت عليها ليه من الأول?

بصيت للسقف بشرود وقولت:

=عشان بحب ملك برضوا.

_القلب بيحب واحد بس ياحسن.

قومت وقفت عشان أطلع شقتي وقولت:

=طلع بيحب إتنين عادي، أنا طالع عشان محتاج أنام، عن إذنك ياوالدي.

طلعت وفتحت باب الشقة وكانت سهر قاعدة لابسة نضارة القراءة وفي إيديها كتاب كانت بتقرأه ونامت، إبتسمت على شكلها وقربت منها وأنا بصحيها بهدوء، أول ما فتحت عينيها بصتلي بإبتسامة وفرحة وحضنتني بلهفة وقالت:

_أخيرًا جيت، متبتش في الشغل تاني بجد بتوحشني جدًا ومش بعرف أنام لوحدي في البيت.

إبتسمت وقولت وأنا برجع شعرها اللي على وشها لـِ ورا وقولت بحُب:

=حاضر هحاول أقلل البيات في الشغل، تعالي قومي نامي جوا عشان ضهرك يلا وأنا كمان عايز أنام.

_طيب مش هتاكل، أحضرلك أكل?

=لأ أنا بس عايز أنام، يلا بينا.

قامت وهي مبسوطة ومبتسمة إني جنبها ومسكت دراعي ودخلنا ننام، أحيانًا بحس إني بحبها أكتر من ملك وبرضوا بحس بشوية ندم على إنها لو عرفت أكيد قلبها هيتكسر وهتزعل، وأنا مش عايزها تزعل مني عشان كدا مش عايز أقولها، يمكن ملك أعقل منها ومتفهمة أكتر وعشان كدا هب معندهاش مانع إنها زوجة تانية وكمان ببات عندها يومين بس في الإسبوع في حين إني باقي الإسبوع عند سهر، تاني يوم الصبح صحيت وملقيتهاش جنبي، قومت وأنا لسة أثار النوم على وشي وعيوني مغمضة شوية ولاقيتها واقفة في المطبخ وهي بتغني بصوت هادي وجميل وبتحضر الفطار بحُب، قربت منها وحضنتها وقولت:

_الحلو صاحي رايق النهار دا.

بصتلي وقالت بإبتسامة:

=من حقي، مش معايا حبيبي والنهاردة أجازة يعني معايا طول اليوم إي اللي مش هيخليني رايقة، دا مفيش أسعد مني.

بعدها فضلنا نضحك ونهزر وحضرنا الفطار وقعدنا ناكل، بعد ما خلصنا سمعنا صوت أمي وهي بتزعق نزلنا بسرعة تحت عشان نشوف في إي وكانت الصدمة:

_ملك!!

قولتها بصدمة ودهشة إي اللي جابها هنا!!

إتكلمت أمي وهي غضبانة وقالت:

=يعني تعرفها، يعني كلامها صح?

بصيت لـِ ملك بغضب وأنا بتوعدلها وبعدين بصيت لـِ سهر اللي مش فاهمة حاجة وقلقانة وقولت:

_بعد إذنك يا سهر إطلعي فوق دلوقتي.

بصتلي سهر بشك وقلق وقالت:

=مين دي?

إتكلمت وأنا بحاول أهدى:

_إطلعي بس دلوقتي.

إتكلمت ملك وقالت:

=كفاية بقى يا حسن بجد، أنا زهقت من حكاية كإننا عاملين حاجة غلط ومخبيني عن باقي عيلتك، ما أنا كمان ليا مشاعر على فكرة.

بصيتلها بغضب وقولت:

_إنتي تسكتي خالص دلوقتي.

بصتلي سهر وقالت بقهر وتوتر:

=ما تقول يا حسن مين دي??

إتكلمت وأنا باصيصلها في عينيها وبحاول أهديها عشان ردة فعلها وقولت:

_إهدي يا سهر، ملك تبقى زميلتي في الشغل و..

سكتت شوية وأنا بفكر وهي كانت بصالي ومترقبة وعيونها إتملت دموع ومستنية مني أنكر اللي جِه في بالها، ولكني حطمتها وحطمت أخر أمل في بالها لما قولت:

_وتبقى مراتي التانية.

سندت إيديها على السلم ودموعها نزلت زي الشلال وهي بصالي بنظرات عتاب وتساؤل، تساؤل ليه عملت كدا، حطيت إيدي على وشي وأنا بفكر هعمل إي ولكني لقيتها طلعت الشقة بتاعتنا وقفلت الباب وراها، بصيت لـِ ملك بغضب وقولت:

_إي اللي خلاكي تعملي كدا، مبسوطة دلوقتي?

بصتلي ملك وقالت بعتاب وغضب:

=اللي خلاني أعمل كدا إني حامل وإنت لسة بتخبيني عن باقي أهلك وكإني غلطة بتفكر في مشاعرها طيب ومشاعري أنا مين يفكر فيها، أنا كلمتك قولتلك تقولهم بس لما ملقتش منك خطوة إتقدمتها أنا.

بصيتلها بغضب ونزلت عشان أضربها عقوبة على اللي عملتهُ بس وقف والدي قدامي ومسكني وقال:

_أنا قولتلك من الأول تقولها يا حسن، الغلط غلطك إنت، والبنت حامل دلوقتي وفي عيل جاي في الطريق وإنت هتبقى أب، لازم تفكر كويس هتعمل إي وتحكم عقلك بقى وتكبر.

بصيتلهُ وقولت بغضب:

=الإتفاق كان في حضورك ياوالدي، ومن ضمن إتفاقنا إننا منقولش لحد وخصوصًا أمي وسهر.

بصتلي أمي وهي بتعيط وقالت بعتاب:

_ليه عملت كدا يابني ليه تكسر بقلب سهر بالشكل دا، مشوفناش منها غير كل خير، أنا مش مسامحاك.

سابتني ودخلت الشقة هي كمان وفضل بابا واقف بيني وبين ملك عشان معملش فيها حاجة، بعدين بابا إتكلم ووجه كلامهُ لـِ ملك وقال:

=تعالي يابنتي ندخل جوا لحد ما يهدى.

خدها ودخلوا جوا وأنا طلعت الشقة فوق لـِ سهر وفضلت أخبط بس مش بتفتح، بعد شوية فتحت الباب وأنا بصيتلها بلهفة بس كانت لابسة ومعاها شنطة في إيديها وقالت بهدوء:

_هستنى ورقة طلاقي منك ياحسن.

مسكت إيديها وأنا بقول بأسف:

=حقك عليا يا سهر بس متبعديش عني أنا معملتش حاجة غلط دا شرع ربنا وبعدين أنا بحبك.

ضحكت بسخرية وقالت بعد نا نفضت إيديا عنها:

_بتحبني تتجوز عليا!!

هو أه شرع ربنا ياحسن وأنا كمان من حقي إني أطلب الطلاق، أنا مستحيل أكمل معاك ياحسن.

سابتني ومشيت رغم محايلات مني وتحت نظر ملك وأمي اللي قاعدة حاطة إيديها على راسها بحسرة، بسيت لملك بغضب وسيبتهم وطلعت الشقة وأنا بفكر هعمل إي وإزاي هرجعها، مينفعش أطلق ملك عشان هي قريب هتخلف مني، مسكت راسي بإيدي وأنا بضغط عليها وبلعن نفسي على العملة بتاعتي، بعد يومين روحت لـِ سهر بيت أهلها واللي فتحلي كانت أختها الكبيرة اللي ربيتها بعد وفاة أهلها، كانت بصالي بغضب وقالت:

_إي اللي جابك هنا، من الأحسن إنك تبعت وربة الطلاق عشان نخلص.

بصيت في الأرض بأسف وقولت:

=أنا بحب سهر والله، خليها تديني فرصة أقابلها بس وأتكلم معاها.

قبل ما ترد عليا طلعت يهر من وراها بثبات وغضب وهي باين على عينيها أثار العياط:

_أخر كلام عندي ياحسن، ورقة طلاقي توصلي ولو محثلش دا بكرا فـَ أنا اللي هروح المحكمة وأخلعك بعد بكرا.

بعدها سابتني ودخلت جوا تاني، بصيت لأختها واللي كانت نفس الغضب مني ومشيت، أنا خسرتها بإيدي، تاني يوم فعلًا بعتتلها ورقة الطلاق وأنا قلبي بيتقطع، بعد ما خسرتها بقيت أشوف الدنيا بشكل تاني وبرضوا بقيت أشوف ملك بشكل تاني، ميقتش أحس تجاهها بأي حب، بقيت أحس إني مش طا*يقها، بقيت مُجبر إني أعيش معاها بس عشان الطفل اللي بيننا، حياتي بقت إجبار عليا بس ما كانت حياة دافية وهادية ومليانة حب من سهر، حتى ملك إتغيرت، مبقتش مهتمة بيا ولا عايز إهتمام منها أنا مش شايف غير سهر، مرت الشهور وملك خلفت، كنت شايل الطفل ومش حاسس إني فرحان إنه منها، كان نفسي يبقى من سهر، بصيتلهُ وإبتسمت بحُزن، دخلت الدكتورة وقالت بشكل رسمي:

_محتاجين الأدوية دي عشان الأم.

بصيتلها بسرعة أول ما سمعت صوتها، كانت هي، سهر، إبتسمت بسرعة وقولت بلهفة:

=سهر.

بصتلي بلا مبالاة وقالت بثبات:

_دكتورة سهر، إتفضل الروشتة، دي الأدوية المطلوبة.

بعدها سابتني ومشيت، رجعت لـِ شغلها كـ دكتورة تاني بعد ما سابتني، شايفها بقت أحسن وفي مكان أحسن، قد إي أنا غبي وقد إي حاسس بالندم، سبت الطفل من أمي وخرجت أشوفها ولاقيتها واقفة مع دكتور تاني وبتضحك معاه، حسبت بغيرة مش طبيعية وءوحت وأنا في قمة غضبي وقولت:

_مين دا اللي بتضحكي معاه?

إتكلم الدكتور وقال بغضب طفيف:

=وإنت مالك إنت!!

إتكلمت سهر وقالت:

_دا يبقى حسن طليقي يا أكرم.

وجهت كلامها ليا وقالت بإبتسامة:

=ودا يبقى أكرم خطيبي وفرحنا الإسبوع الجاي إن شاء الله.

بصيتلها بحُزن وصدمة وإتأكدت إني خسرتها للأبد وبإيدي، مشيت من قدامهم وروحت قعدت في الأوضة اللي فيها ملك وأنا باصيصلها وهي شايلة إبننا، قررت أكمل حياتي بالشكل دا وأنا مُجبر وندمان إني خليت نزوة مُجملة في عيني من الشيطان بإني أخون زوجتي وحبيبتي اللي مكنتش مقصرة معايا فآي حاجة وأتجوز من وراها، قررت أتحمل نتيجة إختياراتي وأعيش تعيس.

#هاجر_نورالدين

#حكايات_هاجر_نورالدين

شهدت أسعار الذهب تراجعاً ملحوظاً على المستويين العالمي والمحلي، حيث انخفضت الأونصة بمقدار 81 دولاراً والجرام في مصر بنحو 100 جنيه، ويرجع ذلك إلى ارتفاع الدولار الأمريكي، ويتوقع الخبراء أن يشهد السوق مزيداً من التقلبات في الفترة المقبلة.

#الذهب #أسعار_الذهب #اقتصاد