مدبولى

الكتاب ده حرفيًا كارثي، كتاب بيخليك تعرف كل شيء عن سحر الأموات، حتى تسخير الجن الموكل بيه بيكون من النوع الترابي السفلي، حاجة كدا من الأرض الثالثة تقريبًا، يعني جحيم بكل المقاييس..

بدأ مدبولي رحلة جديدة، رحلة جهنمية، وبدأ زينهم يدلل عليه، الشيخ مدبولي اللي بيصحي الأموات وبيعمل كل حاجة تقريبًا، أعمال، حجاب، فك الأسحار، وغيره وغيره، حتى إنه كان بيجيله أعمال يدفنها ويعرف معمولة لمين ويبعتلهم ييجوا يدفعوا ويعالجهم..

استمر في التعلم من الكتاب لحد ما بقى عنده القرناء السفلية اللي قادرين يخدموه، وبقا الناس بتجيله من كل مكان تقريبًا..

المثير في سحر الأموات إنه كان سهل جدًا، تقريبًا تلت طرق وبس، نفع، ضر، رفع أذى، وكلهم بيتعملوا على عظام الأموات، اللي تقريبًا مفيش أكتر منها عند مدبولي، واللي خلاه يتميز عن أي ساحر تاني صعب إنه يجيب عظام بالسهولة دي..

طبعًا غير نشاطه القذر في إخراج ج.ثث النس.ا  وتدفق المال في جيبه وبقا معاه مال كتير أوي، بل وإن الش.يطان بدأ يلعب في راسه لحد ما خلاه ش..ا..ذ زي غيره، بقا بينتهك أجساد الج.ثث زي غيره، بل وبيستمتع بده أكتر من الأحياء..

يوميًا، ناس بتيجي تعمل سحر، تدفن سحر، تشتري عظام، تضاجع أموات، حتى إن مدبولي كان عمال يفكر يعمل أيه أكتر من كدا كمان، وزينهم كان معاه في كل خطوة تقريبا، ومشي الحال زي الفل، كل شيء كان تقريبًا بيجبلهم فلوس..

بس علمونا من زمان “دوام الحال من المحال”، وإن لكل ظالم نهاية، وبعد تلت سنين تقريبًا، جت جثة لبنت وطلب أهلها من مدبولي يدفنها، طبعًا مدبولي كان مكمل في شغل الدفن لأنه بيساعده جدًا إنه يغطي على قذارته، وشاف مدبولي وجه البنت في القبر..

قمر في الكفن، وجه ملائكي وجسد أنثوي فاتن، وسال لعاب مدبولي، حتى إنه وبعد الدفن فورًا قرر إنه يستمتع بيها لنفسه وبعدها يتصل بغيره يستمتع بيها، بنت تستحق يكسب من وراها كتير أوي..

بس في مكان تاني، وفي حتة تانية، وخاصة في مشرحة زينهم كان فيه ناس بتسجد على الأرض، بتسجد شكر لله إن الجثة دي خرجت وخدت لعنتها معاها، وإن الكيان الشيطاني ده أخيرًا غادر المشرحة للمقابر وإن التراب أولى بيه، وياريت كان حد بلغ مدبولي، مدبولي اللي بدأ ينبش عشان ينتهك جسمها..

بس والله أعلم البنت مكنتش موافقة، بدليل إنها صحيت، صحيت عشان تخلي الأرض تشتعل بالجحيم، جحيم القدماء، لأن يقال والله أعلم إن البنت دي كان لها قصة مهولة خلت أحد القدماء يحتل جسمها، واللي عايزك بس تعرفه حاليًا إن الجن بالنسبة للقدماء شوية حشرات لا تضر..

وارتفع على الأرض جحيم من نوع خاص.. جحيم اسمه “القدماء”..

بقلم: أحمد محمود شرقاوي