حلم

انهاردة شوفت حلم صعب أوي وللأسف الشديد كنت عارفة ومتأكدة إنه هيتحقق خلال أيام قليلة جدًا، حماتي هتموت في أقل من أسبوع واحد، عشان كدا طلبت من جوزي يفضل جمبها ويراعيها اليومين دول ويلازمها زي ظ.لها، بس هو كان في عالم تاني، عالم المخدرات اللي مش عارف يسيبه ولا يبعد عنه ولو أيام..

بعد أقل من أسبوع تموت حماتي بدون أي مقدمات، ولأول مرة أشوف نظرات الغل والغضب على جوزي وهو بيبص ناحيتي، وبدأ يته.مني إني مخا.وية وإني شؤ.م وبومة وكلام كتير   بيه  ، حاولت أواسيه بس مكانش متقبل إنه يسمع مني ولو نص كلمة، طول عمري معاه بشوف منه نظرات خوف ناحيتي، رغم إنه سيء الخُلق جدًا بسبب المخد.رات إلا إنه مكانش بيز.علني أبدًا، حاولت أفهمه إني ولا مخا.وية ولا و.حشة..

أنا واحدة كانت أمها ست تقية وكانت دايمًا بتقولي أردد يا حفيظ عشان ربنا يحفظني، وكل اللي بقدر أعمله إني بفسر أحلام وبشوف أحلام بتتحقق وبس كدا، ويمكن بحس بالخ.طر من وقت للتاني، بس هما كانوا شايفيني شيط,انة، وعشان كدا طلقني بدون أي مقدمات وحرمني من ولادي الاتنين وقالي إنهم مينفعش يعيشوا مع واحدة مخا.وية، وطلعني من بيته بدون ما أخد أي حاجة، والغريب إنه كان بينتق.م مني بدون أي وجه حق، شوه سمعتي قدام أهلي وقال إن أمه ماتت بسبب العفاريت اللي معايا، وإن لو حد خدني أعيش عنده هيتأ.ذي..

وفعلًا الكل رفضني، صدقوا واحد حشاش وكذبوني أنا، اتهر.بوا مني وباعوني وملقتش أي مكان يحتويني، وكانت نصيحة واحدة قريبتي، قالتلي أسيب المحافظة كلها لأنها بقت ضيقة عليا، وأحاول أخبي موهبتي وأبدأ حياة جديدة في مكان بعيد، ولما يأست إني ارجع لأطفالي فوضت أمرهم لله وسبت البلد كلها ومشيت..

وفعلًا روحت منطقة أرياف وأجرت أوضة في بيت بحمام مشترك، مكان لا يصلح للمعيشة بس حمدت ربنا واشتريت شوية حلويات وشيبسي وقعدت بيهم قدام البيت أبيع، كنت بكسب كل يوم ١٥ جنيه بجيب بيهم أكل وأحوش منهم للإيجار، وواحدة واحدة اتجمع بعض الستات حوليا وبقينا نقعد نتكلم مع بعض..

لحد ما واحدة منهم حكت حلم شافته ولقيت نفسي بدون وعي مني بفسره، وفعلًا اتحقق التفسير، وبدأت الستات تحترمني بزيادة ويحكولي أحلامهم وأنا أفسر من باب مساعدة الناس لا أكثر، بس الكلام كتر عني للأسف، وافتكرت كلام أمي لما قالتلي رددي يا حفيظ كتير لأن اللي زيك بيتأ.ذي كتير من الناس..

وانتشر الخبر أكتر وأكتر وبقا بيزورني ستات كتير اوي، لحد ما واحدة منهم طلبت مني حجاب عشان يحميها، اتخض.يت من طلبها وفهمتها إن ده حرام وإننا بنفسر أحلام ونتحصن بكلام الله وبس، ولقيت نفسي بوعظ كل الستات اللي بيجولي يبعدوا عن الحرام والبدع والأحجبة والحاجات دي..

لحد ما زارتني واحدة وقالتلي إن الشيخ بتاعها راجل كبير ومش هيقدر يجيلي وعايز يشوفني ضروري، حاولت أرفض بلطف مقدرتش، وفعلًا روحت معاها وفو.جئت بشي.طان على شكل إنسان، راجل من أول ما تشوفه قلبك يتقب.ض، وعرفت إنه دجال وعامل عقد مع الشي.طان، وهو فهم إني كشفته وساومني أساعده في شغله مقابل فلوس كتير، هفسر أحلام وأعرف مين المسحور والممسو.س بدل ما يتعب ويكشف ويدور، وليا مقابل مجزي، وطبعًا رفضت، رفضت بقس.وة ومشيت..

وفضلت كام يوم مخن.وقة وحاسة بالخطر، لحد ما نمت في ليلة وأنا دايخة وتعبانة اوي، ولما صحيت لقيت نفسي متكتفة، مش قادرة أتحرك، حاولت مقدرتش، كنت نايمة على رمل، ومتكتفة بقماش، وأدركت المص.يبة في النهاية، أنا مد.فونة وأنا حية..

حسيت وقتها بر.عب ما بعده ر.عب، لدرجة إني كنت هموت في لحظتها لولا إني رددت الكلمة اللي متعودة عليها (يا حفيظ) رددتها آلاف المرات وأنا بنادي الناس، فضلت يومين كاملين لحد ما فتحوا القبر وطلعوني، معرفش امتا نمت وامتا د.فنوني، ولما رجعت الناس نبذو.ني، محدش هيتقبل واحدة اتد.فنت بالحيا تعيش ما بينهم، وطلبوا مني أمشي من البلد كلها، بس الدجال جالي يومها، وقالي بيتي مفتوح لك، وهبني لك بيت كامل بس اسمعي كلامي..

ومن جوايا تأكدت إن اللي حصل كان بسببه، اشترطت عليه يقولي اللي حصل ويصارحني وأنا هساعده، وعرفت إنه بعتلي ست خدرتني بالعصير يومها، وفضلت تصر.خ تاني يوم إني ميتة، وأهل البلد شهامة منهم للست اللي مالهاش حد خدوني د.فنوني بدون ما يبلغوا الصحة، وغالبًا محدش هنا بيبلغ الصحة أصلًا..

عمل كدا عشان أكون منب.وذة، وعشان روحانياتي تزيد أكتر ويستنفع بيا أكتر، قولتله هساعدك، بس من جوايا ناوية أنتق.م منه، وعشان أعمل كدا لازم أفضل قريبة منه، واكتشفت إنه بيعتدي على الستات اللي بتزوره عشان تحمل بعد ما بيخد.رهم..

وقررت أكشف سره الق.ذر، استنيت لما جتله واحدة وفضل معاها لوحدهم وبلغت أهلها باللي بيحصل، بس مخا.فة عليها قولت إنه خط.فها وهي في بيته دلوقتي، أهلها راحوا بالسلا.ح   قدام بيته، راجل انت,هك الأعراض وأذ.ى الناس وح.بسني جوة القبر، مقدرتش أشفق عليه..

ولقيت مكالمة في نفس اليوم، كان جوزي، وكان بيتر.جاني أرجع وهو هيتو.ب ويكفر عن ذ.نوبه معايا، معرفش ايه اللي حصل معاه بس كان بيبكي وكأنه اتأ.ذى أ.ذى شديد..

وفي النهاية رجعت، رجعت وأنا جوايا يقين أكبر إنك لما تستعين بالحفيظ هيحفظك، هيحفظك وأنت جوة القبر وسط الأموات، هيحفظك من الد.جالين وحتى من الحشاش اللي بيش.رب مخد.رات، أنت بس تيقن فيه الخير واتحص.ن واسأله يحفظك، وهتتعجب من اللي هيحصل عشانك..

[فَاللَّهُ خَيْرٌ حَافِظًا وَهُوَ أَرْحَمُ الرَّاحِمِينَ] سورة يوسف آية ٦٤

أحمد محمود شرقاوي

….