رواية هاجر عبد الحكيم 5

امتلاك بالاجبار الحلقة 36
فى اوضة جاسر
عيون دخلت الاوضة لقت تليفونها بيرن
عيون:الو
احمد:الو ياعيون انا احمد
عيون بقلق:ايوة يااحمد خير فى حاجة
احمد:ايوة انا عايزة اشوفك…انتى مشوفتيش رسالتى اللى وصلتلك ولا ايه
عيون:لا ياراجل دة طلب سهل اوى انت اتجننت ياعم انت…شكلك كدة عايز جاسر يطلقنى بقولك ايه اقفل كفايا اوى اللى انا فيه…وبعدين مفيش حاجة وصلتلى
احمد بترجى:عيون انا محتاجلك اوى انتى متعرفيش ايه اللى انا وصلتله انا الفلوس اللى خدتها من بيع البيت بقوا فى الهواء خلاص
عيون:مش فاهمة الفلوس راحت فين يااحمد….وبعدين فكرة بيع البيت دى غلطة كبيرة…واهو بتدفع تمنها دلوقتى
احمد:هتخلينى اشوفك ولا لا ياعيون
عيون:حاضر يااحمد عايزنى اقابلك فين
فى اوضة صافى
سما:ياشيخة انتى بتتكلمى بجد
صافى:ايوة والله شوفت رسالة جاية من تليفون وشكل الكلام كله حب وغرام
سما:لا ياشيخة طب اقرى وسمعينى اقرى…دى شكلها نهايتها سودة زى وشها
صافى:اسمعى ياست احم احم عيون انا محتاجلك اوى كان نفسى تكونى معايا فى الوقت اللى كان نفسى فيكى ونفسى فى وجودك معايا انا بحبك اوى ياعيون ولسة بحبك حبك دة خلانى اعمل حاجات كتير غلط…وانا اهو بتعاقب عليه دلوقتى انا محتاج اشوفك علشان اشكيلك همى…انا دلوقتى مليش حد غيرك…ايه رايك بقا
سما:دى حاجة جامدة اخر حاجة…تفتكرى هتقابله
صافى:افتكر جدا…وعلى العموم احنا موجودين واكيد جاسر هيعرف مش معقول هنسيبه زى الاطرش فى الزفة كدة ولا ايه
سما:ههههههه اه طبعا ودى عايزة كلام
الاتنين ضحكوا ضحكة توضح انهم مش بنى ادمين دول شياطين بيسعوا وراء خراب بيوت الناس
فى اوضة جاسر وعيون
جاسر:كنتى حلوة اوى انهردة احلى من العروسة بمراحل
عيون:اطلع برة ياجاسر
جاسر قفل الباب بالمفتاح وقال:طب لو مطلعتش حضرتك هتعملى فيا ايه
عيون:هقتـ,ـلك
جاسر:يامى يامى خاف ياعيد
عيون بعصبية:جاسر انا مش بهزر وبعدين هات المفتاح دة علشان انا مش هبات معاك انهردة
جاسر وهو بيطلع المفتاح فوق وينزله تانى
جاسر:لا هتباتى انهردة معايا بصراحة انا حابب اقضى معاك ليلة زى ليلة امبارح
عيون بكسوف:بعينك مش هتاخد منى حاجة…..روح لمراتك التانية
جاسر:انتى خلاص خليتيها مراتى…ولا دى اعتبار ما سيكون
عيون:جاسر لو عايز تنام نام على السرير وانا هنام على الكنبة
جاسر:دة كان زمان لكن دلوقتى لا هتنامى معايا على السرير انا قولت كلمتى وانتى هتنفذيها
عيون:لا مش هنفذ
جاسر شالها وقال:يبقى انتى اللى جيتيه لنفسك
عيون وهى بتحرك رجليها بتذمر زى العيال الصغيرة:انت بتعمل ايه سيبنى مش هتعرف تاخد منى حاجة بالعافية
جاسر:وانتى مين قالك انى هاخد منك حاجة بالعافية كله بمزاجك
شالها وحطها على السرير جاى يفك زرار الفستان بس ايد عيون منعته
عيون:انت بتعمل ايه
جاسر:زى منتى شايفة
عيون:وانا تعبانة ومش عايزة
جاسر همس فى ودانها وقال:سلامتك ياروح قلبى
عيون:جاسر متخلنيش اضعف
جاسر:ههههه مش قولتلك انا كلامى دايما بييجى فى الجون
عيون:ضحكتك حلوة اوى
جاسر باسها ف راسها وقال:انتى اللى ليكى الحق تخلينى اضحك وبس غمضى عينك
غمضت عينها
جاسر قرب منها وباس جميع انحاء وشها وطفا النور
وووووووو
سكتت شهرزاد عن الكلام الغير مباح
(انتى يالى بتضحكى انتى وهى احنا بعاد عن الكلام دة فاهمين بلا وكسة علينا😂😂😂)
فى قصر الصمدى
فى اوضة سليم وايات
ايات بعصبية:ابعد عنى انت ليه شيلتنى قدامهم..انت ضحكت عليا
سليم نزلها وقال:انا ضحكت عليكى ليه ان شاء الله….حبيتك وخليت بيكى ولا يكونش اغـ,ـتصبتك واتجوزتك بالعافية
ايات بتوتر:لا الموضوع اسوا قولتلى ان احنا صحاب التصرف اللى انت عملته تحت ميقولش كدة ابدا
سليم:يابنت الناس انا ليه مخ وشكله هيشت منك قريب…انا كله اللى عملته انى شيلتك وطلعت بيكى دة مجرد دليل ليهم ان احنا هنكون مسالمين مش هيحصل مشكلة ما بينا
ايات:هو احنا ف حرب علشان نبقى مسالمين نهايتو بقولك انت نام على السرير وانا
سليم:لا معلش احنا الاتنين هنام على السرير
ايات:شوفت شوفت انت عايزنا نتام على السرير…على راى المثل اهو غرضك بان ياصندل
سليم:ههههههههههههههههههههههههه
ايات ضحكت هى ذات نفسها متعرفش بتضحك ليه يمكن علشان ضحكته او حست انها مجنونة وهو لازم يستحملهت علشان خاطر هى بقت مراته وهو لازم يستحملها
سليم:هو انا حلو ولا ايه
ايات:جدا قصدى لا مش حلو ليه
سليم:مبحلقة فيا من الصبح بصى ياايات انا مش هاخد منك حاجة غصب احنا هنام على السرير وهيبقى فى فواصل ما بينا اللى هى مثلا المخدات ومتقلقيش مش هشيلهم يلة غيرى عقبال م اخد شاور ومتقلقيش برده مش هطلع الا لما اتاكد انك غيرتى حاجة تانى
ايات:هه
سليم:هه ايه بقولك عايزة منى حاجة تانى
ايات:سلامتك ربنا يخليك
سليم جاب هدومه ودخل الحمام
ايات:هو الجدع دة مخاوى ولا ايه…دة كانه بيقرا افكارى ودى مش اول مرة يعملها ايات كفايا رغى خلينى اغير واتخمد قبل ميخرج من الحمام
فى اوضة مارينا