خلخال. ١
الاول
كان قاعد بياكل علي السفره مع مامته في هدوء حتي دخل مسامعه صوت خلخال من خلفه مع كل خطوه منها يرن خلخالها… ساب الشوكه بدهشه و زهول هوا سامع صح صوت خلخال وفي قصره كمان
بص وراه بصدمه مما يراه امامه
كانت بنت واقفه وبيبتص حوليها في القصر بزهول وانبهار من جماله وكانت بتمضغ لبان في بؤها… كانت لابسه عبايه صعيديه وحاطه طرحه بطريقه عشاوئيه علي شعرها الاسود الناعم الطويل…. وشايله علي كتفها قماشه سوده حاطه فيها هدومها و ربطاها… واللي ذاد شكلها غرابه كانت ماسكه العبايه من علي جنب ورفعاها وبنطلونها الاسود بان وخلخالها ظاهر منه
قام وهوا بيبصلها من فوق بقرف من شكلها وقال بعصبيه: انتي يا حيوانه انتي اييه هوا احنا فاتحينها زريبه هنا
بصتله وهيا بتمضغ اللبانه وقالت: ومين انت بسلامتك ان شاء الله
قرب منها وقال بحده: جاسر الهاشمي صاحب القصر اللي وسختيه من لما دختلي فيه بالعفانه اللي جيباها معاكي دي
بصتله بغيظ وقالت: متحترمك نفسك ياااض في ايييه
جاسر بشده: ياض…. انتي جايه من انهي داهيه انتي
بصت علي الست اللي كانت قاعده علي السفره وهتمـ,ـوت علي نفسها من الضحك قربت منها وقالت: مين دا الجدع يا خالتي
جاسر بصدمه: خالتك
قامت اميره مامته وقالت: اعرفك دي شربات بنت خالتك
جاسر بشده: شربات… حتي الاسم بيئه زيك… وبعدين خالتي مين
بصتله شربات بغيظ وقالت: جرا اييه يا جدع انت نازل اهانه فيا من لما دخلت ما تحترم نفسك… وبعدين انت بقا جاسر ولد خالتي اخص عليك معفن كنت فكراك انضف من كدا
ضحكت اميره… بصلها جاسر بغيظ وقال: مين دا المعفن انتي مش شايفه منظرك عامل ازاي وانتي شبه الشحاتين
حطت ربطة الهدوم بتاعتها علي السفره وقالت بردح وصوت عالي: ومالو يا عنيا شكلي مش عاجبك في ايييه ان شاء الله
وقفت اميره وسطيهم وهيا ماسكه نفسها من الضحك بالعافيه وقالت: ممكن تسكتو شويه… وانت يا جاسر عيب تكلم بنت خالتك بالطريقه دي وانا قولتلك انها هتيجي وهتعيش معانا
شاور عليها بقرف وقال: دي تعيش معايا وفي قصري
شربات بغيظ: ما تغوور انت والقصر بتاعك اللي شايف نفسك بيه ده
بصتلها اميره وقالت: خلاص بقا يا شربات احنا قولنا ايه قبل ما تيجي انك هتسمعي كلامي
شربات بغيظ: حاضر بس لمي ولدك
كان جاسر هيتكلم بس قاطعته اميره وقالت بابتسامة تهدي الدنيا شويه وقالت: حبيبي مش انت كنت رايح علي شغلك
جاسر بضيق: رايح بس لما ارجع تكوني فهمتيها قوانين القصر هنا
بعدين سابهم وطلع من القصر… بصت شربات علي طيفه بغيظ بعدين بصت علي اميره وقالت: ولدك ده
ضحكت اميره وقالت: يا بنتي انا قولتلك ايه قبل ما تيجي وبعدين اييه اللي انتي عملاه في نفسك دا
بصت شربات علي نفسها بثقه وقالت: حلو مش كدا
………..
وقفت عربيته قدام الشركه نزل السواق وراح بسرعه فتح له الباب.. نزل من العربيه بكل هيبته وعضلاته البازره من قميصه
دخل الشركه وقف له كل الموظفين ترحيب وخوف من هيبته و مكانته… فتح مكتبه بعصيبه وقعد علي مكتبه وهوا بيفتكر مشهد شربات وهيا قدامه كلامها اسلوبها لبسها… مسح وشه بضيق
دخل اشرف وقال: صباح الخير
بصله جاسر بضيق من غير رد وهوا بيفتح اللاب توب ويبدأ شغله.. بصله اشرف باستغراب وقال: مالك في ايه
جاسر بعصبيه: مليش سبني اشوف شغلي
سكت اشرف وهوا بيبصله باستغراب و فضول يعرف ماله… بصله جاسر بضيق وقال: هتفضل قاعد قدامي كدا كتير روح شوف شغلك
اشرف بفضول: مهو انا مش ماشي من هنا الا لما اعرف مالك
قفل جاسر اللاب توب بضيق وقال: اصطبحت اصطباحه زي الزفت
ضحك اشرف وقال: ليه كده بس حصل ايه
جاسر بعصبيه: بنت خالتي قال ايه جايه تعيش معانا
اشرف باستغراب: طيب وفيها اي
جاسر بعصبيه: اصل انت مشفتش شكلها ولا اسلوبها ولا كلامها ولبسها…. بلدي من الاخر
غمز اشرف وقال: هوا فيه احلى من البلدي
بصله جاسر بحده حمحم اشرف بحرج بعدين قال: معلش استحملها في الاول وفي الاخر دي بنت خالتك برضو وبعدين مامتك معاها اكيد هتعلمها وتحاول تغير منها شويه…. وبعدين انت متعصب ليه هيا حره في نفسها مش عاجبك اسلوبها تجاهلها يا اخي
جاسر بعصبيه: اصل انت مشفتش شكلها كان عامل ازاي….. بس انت صح التجاهل افضل حل لحد ما ترجع مكان ما جات
……….
رجع علي القصر بعد يوم شاق من العمل… بص علي الهدوء اللي في البيت وارتاح نفسيا انه مشفهاش قدامه وطلع بسرعه علي اوضته… فتح الباب لينصدم مما يراه امام عينيه
كانت قاعده علي السرير بتاعه وبالشبشب وهيا مشغله الشاشه وبتسمع فيلم وكانت بتاكل لب وتلقح القشر حوليها علي الفرشه والارض ومندمجه مع الفيلم
جاسر بعصبيه شديدة: الله يخربيتك يا شيخه
بصتله شربات بغيظ لوحت بايديها بتجاهل وبصت علي الفيلم… فجأه لقته مسكها من قفاها وجرجرها برا الاوضه وهوا بيقول بعصبيه العفانه دي تعمليها في مكان تاني مش في اوضتي
طلعها من الاوضه بعدت ايده وقالت بردح: في اييه ياض انت… هوا انت جر شكل وخلاص في ايييه بتحترم نفسك والا هديك بالشبشب علي دماغك
جات اميره وقالت بتعب: في ايه تاني حرام عليكم
شربات بغيظ: شوفي ابنك يا خالتي دخل عليا الاوضه ومسكني من قفايا وطردني من اوضتي
جاسر بعصبيه: من اييه يا عين امك….. بت انتي استعباط مش عايز احسن ورب الكعبة أرميكي برا القصر
شربات بردح: ترمي مييين يا عنيا… دنا شربات اللي يلمسني امسح بكرامته الارض وبلاش تشوف نفسك علينا…. بيتنا اللي في البلد احسن وانضف في القصر بتاعك ده
حطت اميره اديها علي راسها وقالت: خلااااص…. صدعتولي راسي…. ادخلي اوضتك يا شربات يلا ومش عايزه اسمع نفسك تاني
كانت لسه شربات هتدخل الاوضه منعها جاسر بعصبيه وقال: تدخل فين دي اوضتي
بصتله اميره وقالت: اوضتك و اوضتها
جاسر بعصبيه: اللي هوا ازاي دا يعني
اميره: مش شربات مراتك
بصلها بشده وقال: مرات مين
اميره: مراتك انت يبني هوا انت نسيت ولا ايه………..
الثاني
منعها جاسر تدخل الاوضه وقال بعصبيه: تدخل فين دي اوضتي
اميره: اوضتك و اوضتها
جاسر بعصبيه: اللي هوا ازاي دا يعني
اميره: عشان مراتك
جاسر بشده: مرات مين
اميره: مراتك يا جاسر يبني هوا انت نسيت ولا ايه….. مش قبل ما خالتك الله يرحمها تموـ,ـت انت اتجوزت شربات في البلد من تلات سنين انت مش فاكر ولا ايه
جاسر بعصبيه: من تلات سنين يماما وبعدين دا كان جواز وخلاص علي الورق عشان اطمن خالتي وقتها… بس دلوقتي خلاص انا مليش علاقه بيها
اميره بضيق: يعني ايه ملكش علاقه بيها هتتخلي عن مراتك…. طيب هتروح فين انت عارف انها جات تعيش معانا عشان خالك الوسخ طردها من البيت…. ملهاش حد غيرنا وانت جوزها… عشان كده هتفضل معاك في نفس الاوضه
جاسر بعصبيه: انا اقعد مع الكائن دا في نفس الاوضه ليييه
شربات بغيظ: كائن اييه يا ابو كائن انت شيفني قدامك ايه
جاسر بعصبيه: بقره… شايفك زي البقره بالظبط
شربات بغيظ: وانا شيفاك زي العجل اللي مربوط في الزريبه عندنا
بصلها من فوق لتحت بقرف وعصبيه وقال: انا مستحيل اقعد مع دي في مكان واحد والا اوضتي شوفيها اي اوضه تانيه
اميره بحده: انا قولت مراتك هتفضل معاك في الاوضه هتكسر كلمتي قدامها… وبعدين دي مراتك وحلالك
زقته شربات من قدام الاوضه ودخلت بصلها بضيق وغضب بعدين بص علي امه بعصبيه بصتله وقالت: اهدى اهدي ملهاش حد غيرنا
بعدين سابته ومشيت… دخل الاوضه بصلها لقاها قاعده علي السرير وبتكمل الفيلم…. قفل الباب بقوة انتفضت مكانها من قوتها بصتله بطرف عنيها وهيا شيفاه بيبصلها وعنيه حمرا من فرط غضبه منها….. قامت بسرعه وقالت: انا رايحه انام
صرخ فيها بحده وقال: اقفي عندك
وقفت وبصتله وهيا بتبلع ريقها بخوف….. بصتله بشده لما لقيته بيفك حزام البنطلون ولف الحزام علي ايده وقالت: استهدى بالله كدا وصلي علي النبي
ضرب الارض بالحزام وهوا بيقرب منها… نطت وقفت علي السرير وهيا بتقول: انت مجنون…. طيب انت عايز ايه دلوقتي….. استهدي بالله وسيب الحزام احسن يعورك
جاسر بحده: اخرصي
حطت اديها علي بؤها بصلها بضيق وغضب و شاور علي قشر اللب اللي علي السرير والارض وقال: 5 دقايق والاقي الاوضه بتلمع انتي فاهمه
هزت راسها وقالت بسرعه: دقيقه وهتلاقيه نضيفه
نزلت بسرعه من علي السرير وبدات تنضف الاوضه وترتب فرشة السرير تحت نظرات الحده والضيق منه… وخلال دقايق كانت خلصت
جاسر بحده: نامي ومش عايز اسمع نفسك انتي سامعه…… مش انتي مراتي يبقا اتحملي اللي هيحصل فيكي….. يلااا نامي
نطت بسرعه علي السرير ورفعت اللحاف عليها وغطت نفسها كلها بصلها بضيق وعصيبه… رمى الحزام علي الكنبه وفتح الدولاب خد فوطه وراح دخل الحمام اول ما سمعت الباب اتقفل رفعت اللحاف من علي وشها وقالت بغيظ: هخلي ايامك سوده بس اصبر عليا
سمعت صوته من جوه وهوا بيقول بحده: اتخمدي
بصت بشده انه سمعها رجعت غطت نفسها…… شويه وطلع من الحمام وهوا عاري الصدر وبينشف شعره المبلول
رفعت اللحاف من علي وشها وبصتله وهيا مبحلقه عنيها بشده وهيا ترا جسده العريض وعضلاته البارزه… بصلها فغطت نفسها بسرعه…. طلع قميص اسود لبسه وقفل ازراره ما عدا اول كام زرار سابهم مفتوحين وراح قعد علي الكنبه وفتح اللاب توب وهوا بيشوف شغله عليه
…………
نزل جاسر وهوا بيلبس نضارته وطلع من القصر بصتله اميره كانت هتنادم عليه بس ملحقتش…. راحت بسرعه طلعت علي اوضته وخبطت الباب ودخلت كانت شربات لسه نايمه… راحت قعدت جنبها وهزتها وقالت: قومي لحد دلوقتي نايمه….(كملت بغمزه) ولا معرفتيش تنامي بالليل
بصتلها شربات وقامت وقالت: اطمني يا خالتي مفيش حاجه حصلت
بصتلها بشده وبصت علي الهدوم اللي لبساها وقالت بحسه: مهو طبيعي ميحصلش حاجه وانتي نايمه بالجلابيه اللي عليكي دي
شربات: يعني عايزاني اعمل ايه يا خالتي
اميره: انتي مراته يبت يعني من حقك تدلعي له تلبسي حاجه كدا ولا كدا يعني انا اللي هقولك تلبسي اي لجوزك
شربات: معدنيش حاجه البسها غير العبايا اجيب منين يعني
اتنهد اميره وقالت: خلاص يستي هنزل وهجبلك كل حاجه بس علي الله تفلحي وتعملي حاجه…. مش عايزاه يبص برا ولا يجيب واحده من البنات اللي مش متربيين اللي بيشتغلو معاه دول و خصوصا اللي اسمها بوسي دي عايزاها تعبد عنه…. عايزه اطمن عليه وانتي معاه عايزه افرح بيكم واشيل عيالكم
شربات: حاضر يا خالتي قوليلي اعمل ايه وانا هنفذ كل اللي هتقولي عليه
…………
دخلت المكتب وهيا بتقرب منه ببطئ لإثارته بملابسها الضيقه والقصيره وقالت بابتسامة: هاي هاي
بصلها جاسر شويه بعدين رجع بص في الملفات اللي قدامه وقال: هاي يا بوسي
وقفت جنبه وحطت اديها علي كتفه وقالت برقه: مش كفايا شغل بقا… اي رايك لو نخرج مع بعض شويه
جاسر من غير ما يبصلها: انتي عارفه كويس اهم حاجه عندي الشغل ومش بضيع وقتي في كلام فاضي
بوسي برقه: امبارح اتصلت بيك مردتش عليا ليه
افتكر جاسر ليلة امبارح ونومه علي الكنبه اللي وجعتله ضهره بينما شربات تنام بعمق علي فراشه
جاسر: كنت نايم…. كنتي بترني ليه
بوسي برقه: مفيش كنت زهقانه فقولت اتكلم معاك شويه…… علي العموم متنساش تيجي الليله دي عندنا في الفيلا عامله حفلة عيد ميلادي كل صحابي هيجو… وانت كمان انا هستناك
هز راسه وقال: ان شاء الله
بعدت عنه وقالت: تمام هسيبك دلوقتي واشوفك بالليل تشاو تشاو
بصلها جاسر لحد ما خرجت اتنهد بضيق ورجع بضره لورا وهوا بيفكر هيعمل اي في موضوع شربات دي يخليها مراته ولا يطلقها ولا يعمل ايه بالظبط
…………..
دخلت شربات الاوضه وقالت: عايزاني ي خالتي
اميره بابتسامه: شوفي جبتلك ايه…. كل اللي هتحتاجيه جبتهولك
بصت شربات بدهشه علي كل الحاجات اللي قدامه هدوم بكل انواعها وعطور و توك شعر و مكياج: ايييه دا كلو يا خالتي
مسكت خالتها بيجامة نوم حرير وقالت: خدي بس البسي دي و وريني شكلك بيها
خدتها شربات وهيا بتبص علي البيجامه باستغراب وقالت: واييه دا
اتنهد اميره وقالت: بيجامه…. بيجامه يا شربات… ادخلي الحمام عندك البسيها يلا
دخلت الحمام وغيرت هدومها ولبست البيجامه بصت علي نفسها بصدمه كان البنطلون قصير اوي وملامح جس*مها باينه وقالت: يا نهار مربرب
سمعت صوت اميره من برا وقالت: اطلعي يلا
شويه وطلعت شربات بصتلها اميره بضيق كانت لابسه العبايه وقالت: فين البيجامه اللي قولتلك البسيها
شربات: تحت العبايه
اميره بعصبيه: اقلعي العبايه دي
شربات: بس…..
اميره بعصبيه شديدة: اقلعي العبايه يلااا
قعلت شربات العبايا… قربت منها اميره وفكت شعرها اللي ربطاه وقالت: لو مسمعتيش كلامي انتي اللي هتخسري وجوزك هيبص برا علي واحده غيرك
وقفت بعيد عنها وبصتلها بابتسامة… كان شكلها اتغير 180 درجه كانت قمه في الجمال والانوثه… خدت المكياج وبدأت تحطلها منه علي خفيف بعد ما خلصت…. بقت واحده تانيه خالص وقالت: لو شافك وانتي كدا هيتجنن
شربات: يالهوي وانا هقف قدامه بالمنظر ده
اميره بعصبيه: وفيها ايه يا عبيطه دا جوزك… دانتي لو قعدتي قدامه ملط كدا عادي جوزك و حلالك
شربات بشده: اختشي علي دمك ي خالتي اقعد قدامه ملط قال… عيييب
اميره بعصبيه شديدة: انتي هتسمعي الكلام ولا لا
شربات: ماشي بس بلاش حكاية الملط دي
اميره بضيق: ماشي… تعالي عشان اعلمك ازاي تحطي مكياج واعلمك كام حاجه كده بس علي الله تتعلمي
……………
رجع البيت وطلع علي اوضته ودخل وقفل الباب… بص في الاوضه ملقهاش… سمع صوت من الحمام فـ عرف انها جوه… حط تليفونه علي التسريحه وخلع جاكت البدله ورماه علي السرير بإهمال…. قعد علي الكنبه وطلع علبة السجاير وبدأ يدخن وهوا بيبص علي الحمام ومستنيها تطلع
كانت واقفه قدام مراية الحمام وفي اديها صابع روج وهيا بتحاول تحط لنفسها زي ما اميره ورتها…. بس معرفتش تظبطه كويس وصابع الروج اتكسر ووقع علي الارض… نزلت بنصها العلوي مسكت النص اللي اتكسر وبدأت تحط منه وبتقل منه اوي… رمته علي الارض وخدت المسكره وحاولت تحط منها علي رومشها الغزيره و الطويله بس طرفت عنيها ومعرفتش تحط… رمت المسكره علي الارض بإهمال… بعدين خدت ازازة العطر وبدأت تحط منها كتير لدرجة انها خلصت نص الازازه عليها
حطتها مكانها وفردت شعرها وبصت علي نفسها في المرايه مكنش عاجبها شكلها وهيا لابسه قميـ*ص نو*م احمر يظهر من جسم*ها اكتر ما يستره كانت سيقانها بيضاء ناعمه…… لفت وهيا بتبص علي نفسها اتزحلقت علي الارض ووقعت جامد وصرخت من الالم
قام من مكانه بخضه علي صوت صراخها قرب من الباب وخبط وقال: انتي كويسه
شربات بألم وصوت عالي: الحقني انا اتكسرت ومش عارفه اقوم
كان هيفتح الباب بس صرخت بسرعه وقالت: استني متفتحش الباب
سحبت العباية بتاعتها ولبستها سترت بيها نفسها وقالت: ادخل
دخل وبصلها بصدمه من شكلها ومن المكياج اللي مرمي علي الارض….كان شكلها زي الطفله الصغيره اللي بوظت شكلها بالمكياج وقال: ايه اللي انتي عملاه في نفسك دا
حست بخجل وإحراج بس قالت بقوة: ملكش صالح قومني
اتنهد وقرب منها عشان يشيلها شم ريحة العطر اللي هيا حطاها برغم انها كانت حاطه كتير الا انه ريحته كانت خفيفه و جذابه بصلها وقال: انتي حاطه ايه
شربات: ريحه
بصلها شويه يستوعب معناها بعدين قال: قصدك برفان
شربات: ايوه هوا البفران دا
بصلها بشده وقال: بفران؟!!
شربات: انت هتفضل تبصلي كدا قومني ضهري اتكسر
اتنهد بضيق وتعب منها مسك اديها وسندها عشان تقوم بس اتزحلقت تاني ووقعت صرخت وقالت: ااااه يامه اتكسرت…. شيلني
اتنهد بغيظ منها وقال: طيب خلصيني
شالها بصتله بخجل من قربه الشديد منها واديه اللي شيلاها
جاسر: انتي وزنك تقيل كدا ليه
بصتله بغيظ وقالت: مين دي اللي وزنها تقيل يا بن المحروق انت
بصلها بعصبيه شديدة وفجأه سابها فوقعت علي الارض لتالت مره وجسمها كله اتكسر صرخت وقالت: الله يحرقك يا بعيد….. الهي يوقف نموك يا شيخ… الهي……
قاطعها وبصلها بشده وقال: يوقف نموي…. اي الشتايم دي وبعدين ايييه بلاعة شتايم اتفتحت
شربات بوجع: خلاص يا عم حقك عليا بس قومني وطلعني من هنا
نفخ بضيق شديد منها نزل بنصه العلوي ومسكها بصتله وقالت: ايه مش قادر تشيلني ما يجي علي جسمك والعضلات اللي عندك
بصلها شويه بعدين فجأه نطها لفوق وشالها مسكت فيه جامد وهيا خايفه تقع وتقابلت اعينيهم…. بص في عنيها و اول مره يشوف جمالهم عن قرب… كانت متوتره من قربه الشديد منها وقالت: طلعني من هنا
طلعها من الحمام وحطها علي السرير بص علي وشها المتبهدل من الروج وقال: لما انتي مش عارفه تستعمليه بتحطي منه ليه
شربات بإحراج: كنت بجرب فيها ايه
سحب منديل من علي الكمود وقرب منها رجعت لورا بتوتر… مسك وشها وبدأ يمسح لها الورج اللي علي وشها ويظبطو ليها
بصتله وحست بـ قلبها بيدق بسرعه شديدة
مسح لها الذياده وظبطو لها كويس بعد ما خلص بصلها في عنيها اللي تسحر ونزل بعنيه علي شفايفها اللي شبه حبات الفروله وريحة عطرها التي دخلت انفاسه هج*م علي شفايفها بـ قبله عميقه…. بحلقت عنيها بصدمه ووو
الثالث
سحب منديل من علي الكمود وقرب منها رجعت لورا بتوتر… مسك وشها وبدأ يمسح لها الورج اللي علي وشها ويظبطو ليها
بصتله وحست بـ قلبها بيدق بسرعه شديدة
مسح لها الذياده وظبطو لها كويس بعد ما خلص بصلها في عنيها اللي تسحر ونزل بعنيه علي شفايفها اللي شبه حبات الفروله وريحة عطرها التي دخلت انفاسه هج*م علي شفايفها بـ قبله عميقه…. بحلقت عنيها بصدمه بعدته عنها بتلقائيه وقالت بعصبيه: انت بتعمل ايه يا قليل الادب انت
استغرب تصرفها وقال: هوا انا بعمل حاجه غلط انتي مراتي
رسمت ابتسامه ساخره وقالت: دلوقتي بقيت مراتك اومال من شويه كنت ايه
بص علي كتفها كانت رقبة العبايه واسعه ونص كتفها باين وظهرت حمالة القميـ*ص اللي لبساه تحتيها رجع بصلها وقال: طيب منتي عايزه اهو يبقا اي الحكاية
رفعت العبايه كويس وخبت كتفها بخجل وقالت: مالكش صالح البس اللي انا عايزاه
مال عليها اكتر فرجعت بضهرها لورا لحد ما هوا بقا فوقيها وقال: مفيش مانع يعني لو قضينا ليلة مع بعض احنا مش بنعمل حاجه غلط
اتوترت اوي وكانت دقات قلبها سريعه اوي وكانت حاسه قلبها هيتخلع من مكانه: ممكن تبعد عني انت قريب قوي
دفن وشه في عنقها فشعرت بانفاسه الساخنه علي بشرتها الناعمه وطبع قبـ*له علي عنقها
غمضت عنيها ومسكت لحاف السرير وهيا بتضم قبضة اديها جامد…. مقدرتش تتحمل الوضع ده اكتر من كده دفعته بعيد عنها بقوة وقالت بصوت مرتجف: قولتلك ابعد
بصلها بضيق وغضب وقال: تصدقي انا غلطان انى فكرت اقرب لوحده زيك
وسابها وطلع وقف في البلكونه وطلع سيجارة وبدأ يشربها بشراسه وغضب من نفسه…. ازاى ضعف قدامها بالشكل ده… ازاي فكر اصلا انه ممكن يحصل حاجه ما بينهم
استغفر الله واتوب إليه من كل ذنب عظيم
كانت بوسي في الوقت ده عامله حفله كبيره في الفيلا بمناسة عيد ميلادها والكل كان مبسوط الا هيا بصت علي تليفونها بضيق وهيا بتتصل بـ جاسر بس مش بيرد… كان دمها بيغلي قالتله انه يجي وهوا قال جاي ولحد دلوقتي موصلش
قربت منها وحده من صحابها وماسكه كاس في اديها وقالت لها : اي مش جاي ولا ايه…. احنا هنفضل مستنين كتير
بصتلها بوسي بغضب وقالت: انا قولت مش هعمل حاجه غير لما يجي الاول
: افرضي مجاش
بصتلها بوسي بغضب وقالت: هجي انا متأكده هيجي
: براحتك
وسابتها ومشيت… بصت بوسي علي التليفون بغضب شديد واتصلت بيه للمره الالف بس مش بيرد…. رمت التليفون علي الارض بغضب شديد ممذوج بقلق انه ميجيش الحفله
حسبي الله لا إله إلا هو عليه توكلت وهوا رب العرش العظيم
كان قاعد اشرف في كافيه قربت منه واحده وقالت: تشرب ايه يا فندم
بصلها اشرف بابتسامة وقال: عايز اتكلم معاكي شويه
بصتله وقالت: انا في مكان شغلي…. هتقولي علي طلبك ولا امشي
قام وقال: مش هاخد من وقتك كتير خمس دقايق بس
بصت حوليها احسن مدير المكان يشوفها رجعت بصتله وقالت: من فضلك قولي علي طلبك ولا امشي
اتنهد وقال: خلاص مش عايز اسببلك مشاكل في شغلك هستناكي برا
هزت راسها وكانت هتمشي وقفها وقال: طيب اسمعي انا هطلب ايه
بصتله وقالت: اتفضل
قعد وقال بابتسامة ذادت وسامته وقال: قهوه مع حتة كيكه حلو كدا زيك
ابتسمت بخجل وقالت: ماشي
بعدين سابته ومشيت بص لطيفها بحب و توهان في جمالها
بعد فتره
كان واقف قدام الكافيه مستنيها تطلع… اتعدل في وقفته لما شافها طالعه و بتودع صحابها اللي شغالين معاها… بصتله راح قرب منها وقال بابتسامة: اظن دلوقتي مفيش مانع اننا نتكلم
بصتله شويه بعدين قالت: اشرف انت عايز ايه بالظبط
اشرف بحب: انتي عارفه كويس انا عايز ايه يا سلمى
سلمى بحزن: انت عارف لو بابا او اخويا شافونا واحنا واقفين مع بعض دلوقتي هيعملو فيك وفيا ايه…. اشرف الموضوع مش بايدي انت جيب وطلبت ايدي وهما رفضو حاولت بكل الطرق اني اقنعهم يوافقو بس من غير فايده ولو شافوني واقفه معاك دلوقتي هيمنعوني من طلوع البيت و هيحرموني من شغلي
اشرف بحزن: طيب انا عايز اعرف ايه العيب فيا يخليهم يرفضوني غني ومعايا فلوس هخليكي مراتحه وبحبك ومش هزعلك…
سلمى بحزن: عشان بنتك يا اشرف عشان انت كنت متجوز وطلقت وبنتك عايشه معاك….. انا قابله بيك وبالوضع اللي انت فيه وبنتك اسماء انا بحبها اوى ومعنديش مشكله انها تبقا معانا وتبقي زي بنتي بس بابا و اخويا رافضين الفكره دي…. خايفين عليا اني مبقاش مبسوطه خايفين عليا من طليقتك احسن تفكر تعملي حاجه اول ما تعرف بجوازنا
مسك ايديها بحب وقال: مستحيل اخليها او اخلي اي حد يأذيكي وهعمل المستحيل عشان اخليكي مبسوطه انا بحبك… بحبك يا سلمى وعايز اكمل عمري معاكي
سلمى بحزن ودموع: وانا كمان بحبك وانت عارف دا كويس بس صدقني الموضوع مش بايدي
فلتت اديها من ايده ومسحت دموعها وسابته ومشيت بص لطيفها بحزن شديد….. وقفت تاكسي ركبته وبصتله من ازاز شباك العربيه و دموعها بتنزل بحزن شديد لحد ما بعدت واختفي من قدامها
لا حول ولاقوة الابالله العلي العظيم
اميره بعصبيه وانفعال: انتي عايزه تجننيني عملتي ليه كده
شربات: معرفش اتصرفت معاه كدا ليه
اميره بضيق: طيب اعمل فيكي ايه دلوقتي
شربات: خلاص متدايقيش مش هعمل كده تاني
اميره بحسره: ان فكر اصلا يقرب منك تاني
بصت بعيد وهيا حاسه بإحراج من نفسها والتصرف اللي عملته: طيب اعمل ايه انا دلوقتي
اميره بعصبيه: هتعملي ايه…. هتعملي ايه اكتر من اللى انتى عملتيه
شربات: خلاص بقا ي خالتي قولتلك مش هعمل كده مره تانيه
اتنهد اميره بتعب منها وقالت: لما يرجع حاولي تصالحيه باي طريقه انتي فاهمه ومش عايزه غلطه انتي فاهمه
شربات بضيق: حاضر
استغفر الله واتوب إليه من كل ذنب عظيم
بصت بوسي علي عربيته اللي واقفه مستنياه بغضب شديد… راحت ركبت العربيه وقفلت الباب بقوة وبصتله… كان قاعد جاسر وهوا لابس نضارته السودا ببرود
طلع السواق و سابهم لوحدهم
بوسي بغضب شديد: ممكن اعرف انت مجتش امبارح الحفله ليه
قلع النضاره وبصلها وقال: كنت مشغول
ابتسمت بسخرية وقالت: ااااه كنت مشغول والمفروض انا دلوقتي اصدقك مش كدا
جاسر بحده: اتكلمي معايا عدل
اتنهدت وهيا بتحاول تهدي نفسها وبصتله وقالت: انا اسفه… بس انت افتكر كلامك ليا من شهرين انك هتيجي يوم ميلاي وتستغل الفرصه وتتكلم مع بابا وتطلب ايدي منه بس انت معملتش كدا… واحرجتني امبارح قدام كل صحابي وانا قاعده زي الهبله مستنياك تيجي
جاسر: قولتلك كنت مشغول
بوسي: ماشي مشغول…. قولي بقا هتيجي تطلبني من بابا امتي
جاسر ببرود: وانتي مستعجله علي ايه… انا اجي وقت منا عايز مش الوقت اللي انتي تقرريه
بوسي بحب: مش مستعجله يحبيبي بس انا عايز احس اني بتاعتك وانك ليا مش لغيري… عايز احس بحبك ليا
جاسر ببرود: وانت عندك شك في كدا
بوسي بحب: لأ
جاسر: يبقا خلاص ومش عايز كلام كتير في الموضوع ده…. اتفضلي انزلي عشان عندي شغل
بصتله وابتسمت له بالعافيه وقالت: ماشي مش هعطلك
وسابته ونزلت… رجع السواق ركب وشغل العربيه ومشي… بصت بوسي علي طيف عربيته وهيا مدايقه اوي دا حتي مفتكرش يجبلها هدية عيد ميلادها
لا حول ولاقوة الابالله العلي العظيم
كانت شربات قاعده في الاوضه مستنياه يرجع وهيا بتفكر في الكلام اللي هتقوله ليه عشان تصالحه… دخل الاوضه بصلها ببرود حط تليفونه علي التسريحه وخلع ساعته حطها جنب التلفون بصلها شويه وراح قعد جنبها… استغربت بصلها وقال: عايز اتكلم معاكي في موضوع
شربات: قول سمعاك
اتنهد وقال: مش هينفع نكمل مع بعض… انتي عارفه كويس انا وقتها وافقت علي الجواز منك ليه.. وانا اصلا مشفتكيش وقتها… كان جوازي منك بس عشان اطمن خالتي عليكي… بس دلوقتي مش هينفع نكمل في الجواز دا.. احنا اصلا محصلش حاجه بينا فـ يعتبر اصلا مبدأش
كانت بتسمعه بوش خالي من التعابير وهيا ساكته تسمع اخر الكلام منه ايه
جاسر: انتي متنفعيش تكوني مراتي لا شكلك ولا اسلوبك ولا كلامك يناسب انك تكوني زوجه ليا… انتي لا تناسبيني ولا انا مناسب ليكي… ومش هنقدر نفهم بعض… علاقتنا مش هتبقي ناجحه… واحنا لسه في البدايه
شربات بهدوء: قول من الاخر عايز ايه
بصلها وقال: نتطلق وكل واحد يشوف حياته……….
♥
الرابع
كانت بتسمعه بوش خالي من التعابير وهيا ساكته تسمع اخر الكلام منه ايه
جاسر: انتي متنفعيش تكوني مراتي لا شكلك ولا اسلوبك ولا كلامك يناسب انك تكوني زوجه ليا… انتي لا تناسبيني ولا انا مناسب ليكي… ومش هنقدر نفهم بعض… علاقتنا مش هتبقي ناجحه… واحنا لسه في البدايه
شربات بهدوء: قول من الاخر عايز ايه
بصلها وقال: نتطلق وكل واحد يشوف حياته
بصتله بشده وهيا ساكته من غير ما تقولي اي حاجه
جاسر: صدقيني هوا دا الحل المناسب ليا وليكي
بصتله بنظره عجز عن فهمها وابتسمت ابتسامه بارده وقالت: ماشي طالمه دا اللي هيريحك انا كمان معنديش مشكله
استغرب جدا ردها و برودها… كانت متوقع منها ردت فعل قويه زي عادتها كان متوقع انها هتنفعل وتعترض بس درها دا عليه اتفاجأ بيه مكنش يتوقع البرود ده منها
جاسر: انتي مش زعلانه
شربات ببرود: و ازعل ليه وعشان مين
قامت وقالت ببرود: طالمه خلاص قررت اننا نتطلق يبقا من هنا و رايح كل واحد هينام في اوضه… وياريت تخلص اجراءات الطلاق بسرعه اصل انا مخنوقه من العلاقه دي
وسابته وطلعت وقفلت الباب بص لطيفها بصدمه مش مستوعب ردت فعلها دي
دخلت شربات اوضه تانيه وقفلت الباب سندت ضهرها علي الباب و انهمرت دموعها علي خديها بغزاره وهيا بتبكي جامد و بوجع وكسره… حست بقلبها بينكسر علي مليون حته
نزلت بضهرها علي الباب لحد ما قعدت علي الارض حطت اديها علي بؤها وهيا بتبكي بحرقه و وجع.. مكنتش تتوقع انه هيقولها كدا… ينهي علاقتهم اللي لسه حتي مبدأتش
ضربت باديها علي قلبها جامد وقالت بعياط ووجع: انت السبب انت السبب لو مكنتش حبيته مكنتش حسيت بالوجع اللي انا حاسه بيه دلوقتي…. حبيته لييه…. ليييه يا قلبي و توجعني كدا ليييه
…………….
دخل اشرف الفيلا بتاعته قلبت ملامحه لضيق اول ما شاف عبير طليقته قاعده
بصتله بابتسامة بارده.. قرب منها وقال بضيق: بتعملي ايه هنا
قامت وقربت وقفت قدامه وقالت: اظن مفيش قانون بيمنعني اني اجي و اشوف بنتي
اشرف بضيق: تشوفيها برا مش في بيتي
ضحكت باستفزاز وقالت: منعني حتي من دخول البيت…. علي العموم انا مش جايه عشانك ولا عشان اقعد في بيتك… جايه اخد بنتي اخرج معاها شويه و ارجعها لك
اشرف بضيق: ياريت ترجعيها بسرعه عشان هيا بتنام بدري
بصتله شويه وقالت: بالسرعه دي قدرت تنساني يا اشرف و شوفت واحده غيري
ابتسم بسخريه وقال: ومين انتي عشان اوقف حياتي عشانك… انا اكمل حياتي من غيرك عادي وانتي مكنتيش في بالي اصلا عشان انساكي
ضمت قبضة اديها بغضب مكتوم ابتسمت ببرود تداري غضبها وقالت: ويا ترا الحلوه عارفه انك كنت متجوز
اشرف بابتسامة واثقه: وعارفه كمان ان انا عندي بنت… و الكـ لب اللي انتي بعتاه ورايا يراقبني… انا سايبه يراقبني بمزاجي عشان يوصلك اللي انا عايز اوصلهولك انك مش فارقه معايا ولو استمريتي علي الحال دا كتير ومبعدتيش عني انا هعرف اتصرف معاكي…. وبنتك عمرك في حياتك مش هتشوفيها يا عبير و زي ما مقدرتيش تخديها مني هقدر احرمك منها عمرك كله
بصتله بغضب مكتوم… نزلت طفله من علي السلم كانت في عمر 4 سنين جريت علي مامتها بلهفه وسعاده طفوليه
نزلت عبير بنصها العلوي وخدتها شالتها وباستها من خدها بحنان وقالت: عامله ايه ياحبيبتي
اسماء: كويسه الداده قالتلي اني هخرج معاكي
عبير وهيا بتمرر اديها علي شعرها بحنان: اه هنخرج سوا انا وانتي دلوقتي
بصت اسماء علي اشرف وقالت: وانت يا بابا هتيجي معانا
اشرف بحنان: لا يروحي اخرجي انتي وانا هستناكي متتأخريش هااا
هزت راسها بابتسامة وقالت: مش هتأخر عشان اجي اغسل سناني وانام بدري زي البنات الشطار
باس راسها بحنان وقال: وانتي اجمل الشطار يلا عشان متتأخريش
بصتله عبير بضيق وخدت بنتها وطلعت بص اشرف علي طيفها بضيق شديد منها
…………….
اميره بضيق: انت فعلا عايز تطلقها
بصلها جاسر وقال بهدوء: عندك حل تاني…. انتي عارفه كويس انها مش مناسبه ليه ولا انا مناسب ليها….. ليه نضيع وقتي ووقتها تشوف حياتها وانا اشوف حياتي
اميره بضيق: وانت تفتكر لما تبقي بـ لقب مطلقه حد هيقبل يتجوزها الا اذا كان متجوز وعنده ولاد ولا كبير في السن
جاسر: اومال عايزاني اعمل ايه
اميره بحزن وضيق: مش عايزها براحتك بس برضو مطلقهاش… انت لو طلقتها هيا هتروح فين
جاسر: انا بقول هطلقها مش هطردها من القصر
اميره: وانت تفتكر لو طلقتها هتقبل انها تفضل هنا….. خليها علي ذمتك علي الاقل عشان هيا متحسش انها غريبه وسطينا وانها في بيتها ومتبقاش مكسوره…. هيا غلبانه ملهاش حد غيرنا متبقاش انت والزمن عليها
بص بعيد بضيق وتفكير… بصتله وقالت: فكر كويس…. وانت حر في الاخر
وسابته وطلعت من الاوضه وقفلت الباب…. رجع شعره لورا بضيق وتفكير
…………
رجعت سلمي من الشغل دخلت البيت وقفلت الباب اتفاجأت بوجود ابن عمها قاعد مع بابا و اخوها
القت عليهم السلام وكانت هتطلع اوضتها وقفها باباها عصام وقال: سلمي استني
وقفت وبصتله وقالت: في حاجه يا بابا
عصام: تعالي اقعد معانا عشان في موضوع عايز اتكلم معاكي فيه
بصتله بقلق وكان من جواها احساس انها عارفه الموضوع ده ايه وبتتمني احساسها يكون غلط
راحت قعدت جنب باباها بصلها عصام وقال: ابن عمك جاي وطالب ايدك
بصتله بشده هوا دا اللي كانت خايفه منه بصلها اخوها صلاح وقال: هوا جاي لوحده دلوقتي يشوف رأينا لو موافقين هيجي الاسبوع الجاي هوا وعمك وامرات عمك نجيب الشبكه ويعمل حفلة خطوبه
بصلها ابن عمها سيف بابتسامة ولهفه مستني ردها…. كانت بتبصلهم وهيا ساكته و الدموع متحجره في عنيها
سابتهم وطلعت جري علي اوضتها و دموعها بتنزل علي خديها…. بصولها بصدمه
صلاح بإحراج: هيا اكيد مكسوفه
بص سيف علي طيفها بقلق انها تكون رافضه… بصله عصام وقال: انا هتكلم معاها واعرف رأيها و ارد عليك
سيف: انا مش مستعجل خالص تفكر في الموضوع براحتها مش هضغط عليها
قام وقال: عن اذنكم
وسابهم ومشي…. بص صلاح علي ابوه عاصم وقال: وبعدين في البنت دي هيا لسه بتفكر في الراجل دا ولا ايه
عصام: متظلمش اختك وخليها تاخد وقتها وتفكر في قرارها… و سيف قال انه مش مستعجل…. يبقا سيبها علي راحتها
………………..
اميره: خلاص متعيطيش بقاا هوا رد عليا وقال مش هيطلقك
بصتلها شربات بدموع وقالت: وانا مش عاوزه افرض نفسي عليه هوا مش عايزني وانا مستحيل افضل علي ذمته وهوا رافضني انا عندي كرامه ومقبلش علي نفسي بكدا
اميره بابتسامة: عايزاكي تطمني في وقت قصير اوي وهتلاقيه هوا اللي جايلك برجليه لحد عندك
مسحت شربات بدموعها وقالت: وكيف دا يعني
اميره: اول حاجه تسمعي كلامي مش زي كل مره… اللي هقولك عليه تنفذيه….. اسلوبك الهمجي دا تغيريه طريقة كلامك والعبايه اللي انتي لبساها دي متلبسهاش تاني خالص انتي فاهمه… اللي هقولك عليه واللي هـ علمهولك تنفذيه بالحرف الواحد ماشي
شربات: حاضر اللي تشوفيه ي خالتي
اميره بابتسامة: بصي بقا هتعملي ايه…………..
………….
دخل جاسر القصر وكان معاه اشرف و بوسي
اشرف: احسن حاجه اننا هنكمل شغل هنا احسن قعدت المكتب هدت ضهري
بوسي: معاك حق هنا هنرتاح وهنركذ في الشغل اكتر
وبصت علي جاسر وهيا تقصد تركيذها معاه
بس جاسر كان متجاهل النظر ليها ولا كان واخد باله من كلامها وكان باصص قدامه بصدمه و زهول
كانت نازله شربات من علي السلم وكانت لابسه بيحامه قطيفه و فارده شعرها كانت في قمة الجمال و الانوثه
بصلها اشرف بصدمه بينما نظرت لها بوسي بصدمه وبركان ثائر داخلها من الغيره من جمالها و انوثتها
كان جاسر بيبصلها وهوا تايه في جمالها…. لاحظت شربات وجود راجل غريب اللي هوا اشرف…. راحت بسرعه وقفت ورا اميره اللي خرجت من اوضتها بصتلها اميره باستغراب وقالت: مالك بتستخبي زي الفار كدا ليه
شربات: الراجل الغريب دا عمال يبص عليا قولتلك البس العبايه وانتي اللي خلتيني البس البتاعه دي
بصت اميره علي بوسي وكانت ملاحظه صدمتها و غيرتها من شربات وقالت بصوت واطي: اقفي قدامهم وانتي واثقه من نفسك واعملي اللي قولتلك عليه
بعدت اميره عنها وقربت منهم وقالت بابتسامة: اهلا يا ولاد خلصتو شغل بدري النهارده
جاسر كان بيبص علي شربات ومش مركذ مع اميره خالص… رد عليها اشرف وقال: تعبنا من قعدت المكتب فجاسر اقترح اننا نكمل شغل عنده هنا
اميره بابتسامة: دانتو نورتونا
قرب اشرف من جاسر وغمز له وقال بهمس: هيا دي بنت خالتك
بصله جاسر بحده… سكت اشرف بخوف منه…. بص جاسر علي شربات وكان حاسس بغيره عليها مش عارف ليه…. قرب منها وقال بحده: ايه القرف اللي انتي لابساه دا… وازاي تنزلي بيه كدا
خافت شربات من حدته بصت علي اميره بصتلها بنظرات معاناها خليكي قويه و ردي عليه
رجعت بصت علي جاسر وقالت: انا حره في لبسي وبعدين الغلط من عندك كنت قولتلنا ان فيه ضيوف جايين عندنا
بصلها بضيق وحده وقال: اطلعي غيري اللي انتي لبساه دا
قربت بوسي منه وهيا مش فاهمه اي حاجه وقالت: جاسر مين دي
بصلها جاسر وكان لسه هيرد قاطعته شربات وهيا بتحط اديها علي كتف جاسر بدلع وقالت: انا ابقا مراته يا عنيا………
الخامس
رجعت بصت علي جاسر وقالت: انا حره في لبسي وبعدين الغلط من عندك كنت قولتلنا ان فيه ضيوف جايين عندنا
بصلها بضيق وحده وقال: اطلعي غيري اللي انتي لبساه دا
قربت بوسي منه وهيا مش فاهمه اي حاجه وقالت: جاسر مين دي
بصلها جاسر وكان لسه هيرد قاطعته شربات وهيا بتحط اديها علي كتف جاسر بدلع وقالت: انا ابقا مراته يا عنيا
بصتلها بوسي و اشوف بصدمه شديدة… بصلها جاسر من طريقتها ودراعها اللي علي كتفه بدهشه من تصرفها
بعدتها بوسي عنه وقالت بغضب وانفعال: ابعدي عنه انتي واحده كدابه
بصتلها شربات بابتسامة نصر وقالت: انا مش كدابه حتي اسألي جوزي حبيبي….. قولها ي بيبي مش احنا متجوزين
بصلها جاسر بصدمه شديدة مش مصدق بيبي… اللي واقفه بتتكلم معاه دي هيا نفسها شربات بنت خالته ولا دي وحده غيرها… مين دي
مسكته بوسي من دراعه وقالت بدموع: قولي يا جاسر قولي انها كدابه… قولي انك مش متجوزها
مكنش مركذ معاها كان باصص علي شربات وهوا مش مستوعب مين دي.. مسكت بوسي وشه وخلته بص ليها وقالت ودموعها بتنزل: رد علياا انت متجوزها زي ما هيا بتقول
جاسر: اه اللي قالته صح تبقي مراتي
سابته بوسي وهيا بتبصله بصدمه وتهز راسها بالنفي ودموعها بتنزل وهيا حاسه بقلبها بينكسر علي مليون حته مكنتش مصدقه: قولي انك بتكدب عليا…. قولي ان دا مش حقيقه
جاسر: بس دي الحقيقه يا بوسي
بصتله بشده بعدين بصت علي شربات بغضب ونار تشتعل في عينيها… رجعت بصت علي جاسر وقالت: يبقا عشان كده رفضت تقابل بابا يوم عيد ميلادي وتتكلم معاه في موضوعنا…. كدبت عليا و قولتي كنت مشغول…. اتاريك مشغول معاها…. يا ترا مخبي عني اي تانيه انا لسه معرفهوش….. انت طلعت واحد كداب خاي…….
قاطعها جاسر بحده: كفايااااا…. انا لحد دلوقتي ماسك نفسي ومش راضي اتعامل معاكي بأسلوب مش هيعجبك…. انت تجاوزتي حدودك ونسيتي نفسك انتي بتتكلمي مع مين
بصتله ودموعها بتنزل وهزت راسها وقالت بغضب ودموع: ماشي يا جاسر… ماشي
وسابتهم وطلعت من القصر جري وهيا بتبكي….. بصلها اشرف وكانت صعبانه عليه…. قرب من جاسر وغمز له وقال بهمس: دنتا طلعت خبيث اوي كدا تتجوز و متقوليش…. وبعدين البت طلعت قمر اها اومال كنت بتعيب عليها ليه
بصله جاسر بحده وغضب…. خاف اشرف من نظراته القاتله له وقال: اشوفك بكرا
وجري من قدامه بسرعه طلع من القصر…. بص جاسر علي شربات بغضب وحده وقال: مبسوطه من الفيلم الهندي اللي حصل قدامك ده
شربات بثقه مصتنعه: ايوه عاجبني
قرب منها فجريت اتخبت ورا اميره وقالت: الحقيني يا خالتي هيمـ,ـوتني
جاسر بعصبيه: دانتي ليلتك سوده… مش هيطلع عليكي نهار…. بيبي وجوزك و بتدلعي… كان فين ياختي دا كله…. ونازله قدامه بالمنظر ده… دانتي قاصده بقا
شربات وهيا بتتحامه في اميره: ايوه كل اللي عملته كنت قصداه…. ولسه يامه هتشوف مني…. انتي فاكرني معرفش حاجه كمني يعني عايشه في البلد لا يا حبيبي فوق انا اعرف حاجات كتيره قوي بس انا اللي مش راضيه اطلعها عشان محدش يحسدني علي جمالي و حلاوتي و رقتي…. لان مفيش واحده زي
جاسر بعصبيه: مهو فعلا مفيش واحده زيك في اللي انا هعمله فيكي دلوقتي
كانت اميره بتحاول تحمي شربات من عصبية ابنها وهيا هتمـ,ـوت علي نفسها من الضحك اللي كتماه وقال بجديه مصتنعه: خلاص بقا يا جاسر اللي حصل وشربات اكيد متقصدش… ومش هتعمل كده تاني… صح ي شربات
شربات باستفزاز: صح يا خالتشي
انصدمت لما لقيت جاسر بيفك الحزام وهوا بيبصلها بغضب وحده… سابت خالتها وجريت علي فوق بسرعه… فك الحزام وجري وراها وقال: مش هتهربي مني
دخلت الاوضه بسرعه وقفلت الباب علي نفسها كويس… خبط علي الباب بقوة شديدة وقال: افتحي الباب… افتحي الباب بالذوق احسن لك بدل ما اكسره علي دماغك
حطت اديها علي بؤها وهيا بتضحك بعدين قالت: مش هفتح واللي عندك اعمله…. انا مش خايفه منك علي فكره
كانت اميره واقفه بتبصلهم وهيا بتمـ,ـوت من الضحك… بصلها جاسر بعصبيه… جريت هيا التانيه علي اوضتها بسرعه و قفلت الباب
بص علي اوضة شربات وقال بتوعد: مسير الفريسه تقع في المصيده
شربات: ليه شايفني فار هتصطاده
جاسر بعصبيه: الايام ما بينا يا بت خالتي و يانا يانتي
بعدين سابها ودخل اوضته وقفل الباب بقوة… سمعت صوت الباب وهوا بيتقفل عرفت انه دخل اوضته… راحت فتحت الباب بهدوء وبصت ملقتش حد…. راحت بصت علي اوضة خالتها اميره… كانت هيا التانيه واقفه وبتبصلها بابتسامه شاورو لبعض ان خطتهم نجحت
…………….
رمت بوسي كل حاجه من علي التسريحه بعنف وغضب شديد.. وصوت انفاسها مسموعه وعنيها حمرا من الغضب والدموع: انا…. انا يعمل فيا كده…. طول الوقت كان بيخدعني… وفي الاخر يطلع متجوز… طيب وانا وحبه ليا… كل دا كان كدب…. طيب وقلبي اللي حبك يا جاسر ليه تكسره وتجرحه كدا…. لييييييه
خلصت كلامها وهيا بتقلب الترابيزه اللي قدامها بغضب وانفعال…. بصت علي نفسها في المراية… عنيها اللي منتفخه من البكاء ولونها احمر من فرط غضبها: اي العيب فيا انا احلي منها… مفيش واحده في جمالي… خاني لييه ليييه خاني وعشان مين واحده معفنه زي دي
ضربت المريا باديها بقوة شديدة اتكسرت المرايا… اديها اتجرحت وبدأت تنزف جامد…. بس مهتمتش ولا كانت حاسه بوجعها…. قد الوجع اللي حساه من جواها
فضلت تضرب في المرايا بغضب ودموعها بتنزل لحد ما اتكسرت علي مليون حته في الارض
بصت علي نفسها في حتة ازاز من المرايا في الارض وقالت بغضب شديد: ماشي يا جاسر… مش انا اللي يتعمل فيها كدا…. انت لحد دلوقتي مشفتش مني حاجه….. استحمل بقاا اللي هيجرالك
خدت التليفون من علي السرير واتصلت بـ رقم وقالت بخبث: انا موافقه
……………
طلعت اميره من اوضتها شافت واحده واقفه ومعاها شاب وكانو بيبصو علي القصر بنظرات مفهمتش معناها
قربت منهم وقالت: انتو مين
بصتلها الست بابتسامة ماكره وقالت: اكيد انتي اميره مش كدا
اميره باستغراب: اه انا انتي بقا مين ومين اللي معاكي دا
ردت بنفس الابتسامة: انا خلود مرات جوزك الله يرحمه ودا ابني منه
بصتلها اميره بصدمه شديدة وقالت: انتي بتقولي ايه…. اي التخرايف اللي انتي بتقوليها دي
نزلت شربات ووقفت تبصلهم وهيا مش فاهمه حاجه
خلود بمكر: اي يا ضرتي هوا ابنك مقلكيش ولا ايه
بصتلها اميره بصدمه ومش مستوعبه وقالت بغضب ودموع: انتي كدابه غوري اطلعي انتي و الحيوان دا برا
بصلها ابن خلود وقال: نطلع فين احنا قاعدين معاكم هنا مش دا قصر بابا الله يرحمه يبقي من حقنا احنا كمان نعيش فيه
كانت شربات بتسمعهم وهيا مصدومه وحزينه علي صدمة اميره و كسرتها والدموع اللي متحجره في عنيها
قربت منهم وقالت بغضب: اطلع بره انت والمحروصه امك ملكش مكان هنا
بصلها بخبث وهوا بيبصلها من فوق لتحت بقذاره وقال: القمر ده منين بقا
شربات بانفعال وغضب شديد: متلم نفسك ياض احسن ورب الكعبة امسح بكرامتك الارض
كان هينفعل عليها بس مسكته خلود وقالت: خلاص يا جاسم احنا مش جايين نعمل مشاكل
شربات بشده: جاسر
خلود بمكر: لا يا حبيبتي جاسم مش جاسر اصل ابني حبيبي اتولد في نفس اليوم اللي اتولد فيه جاسر ابنك يا اميره فكانو زي التؤام اتولدو في يوم واحد… عشان كده جابر حب يسميه اسم شبه اسم اخوه فسمه ابنك جاسر وابني جاسم
مكنتش اميره مصدقه اي حاجه بتقولها… حست برجليها مش قادره تشيلها كانت هتقع بس لحقتها شربات وسندتها بلهفه: خالتييي… انتي كويسه
بصتلها خلود وجاسم بشماته وقالت بحزن مصتنع: مالك يا ضرتي حصلك ايه بس
بصتلها شربات بغضب شديد وقالت: غورو اطلعو برا
خلود بمكر: محنا قولنا القصر دا بتاعنا زي مهوا بتاعكم
“ومين اللي قالكم الكلام ده ان شاء الله “قالها جاسر بقوة وهوا بيدخل القصر
الكل بصله قرب منه جاسم وهوا بيفتح اديه ياخده بالحضـ,ـن وقال بحب مصتنع: اخويا حبيبي
كان لسه هيحـ,ـضنه رجع جاسر خطوه لورا وبصله بحده وقالت: متنطقش الكلمه دي علي لسانك تاني
قربت خلود منه وقالت بحزن مصتنع: اخس عليك دي مقابله تقابل بيها اخو…..
قاطعها جاسر وقال بنبرة صوت هزت اركان القصر: قولت مش اخويا والكلمه دي مش عايز اسمعها تاني
جاسم: غصب عنك اخوك…. مش بمزاجك…. واحنا جايين ناخد حقنا من ورث بابا الله يرحمه
ارتسمت عليه وجهه ابتسامه ساخره وقال: قول كدا من الاول داخل علي طمع
جاسم: اه داخل علي طمع احنا لينا حق في القصر وكل الشركات اللي تخص بابا وكل الفلوس اللي معاك احنا لينا فيها النص
جاسر: ومين اللي قالك الكلام ده
جاسم: انا اللي بقول وحقي هاخده تالت ومتلت ومش هسيب مليم واحد فيه
جاسر: انت ملكش اي حق في ولا حاجه وزي ما دخلت هتخرج
جاسم بغضب: مش هطلع غير لما اخد حقي
جاسر بحده وصوت عالي: ساااااالم
دخل سالم وكان واحد من الحرس بتوعه بصله جاسر بحده وقال: طلع الزباله دول ومش عايز المحهم هنا تاني
هز سالم راسه بهدوء… وراح مسك جاسم من اديه هوا و خلود وسحبهم بقوة برا تحت صراخ جاسم وهوا بيقول: حقي مش هسيبه وهاخده منك وبكرا هتشوف
رماهم سالم برا القصر… وقعهم علي الارض بقوة وقفل البوابه في وشهم
خلود بغضب: شايف…. شايف عمل فينا اي
جاسم بغضب شديد: هدفعه تم اللي عمله غالي اوي
قامت اميره وبصت علي جاسر بدموع وحزن وكسره وقالت بوجع: الكلام اللي قالته دا صحيح… ابوك خاني واتجوز عليا وكمان خلف منها وطول السنين دي كلها وانا عايشه معاه زي الغبيه مش عارفه حاجه
حاوط وشها بكفوف اديه ومسح دموعها بسبابته وقال: ميستهلوش دموعك الغاليه دي تنزل عشانهم
بكت بوجع وقالت: يبقا كلامها صح…. وانت كنت عارف
جاسر بحزن: عرفت من سنتين… مكنتش مصدق لما جالي الحيوان دا وقالي انه يبقا اخويا…… بس فى الاخر للاسف اتأكد انه فعلا كل اللي قاله حصل…. بابا خدعنا كلنا
اميره بوجع و دموعها بتنزل بحرقه: طيب انا عملت معاه ايه عشان يعمل فيا كدا…. ليه يخوني….. قصرت معاه في ايه
حضـ,ـنها وهوا بيطبطب عليها وقال بحزن: ميستحقش انك تزعلي عليه ولا دموعك تنزل عشانه…. عمري ما هسامحه علي اللي عمله
بعدها ومسح دموعها وقال: عشان خاطري مش عايز اشوف دموعك تنزل…. صدقيني ميستاهلوش
انهارت من العياط وهيا بتبكي بحرقه ووجع شديد… حـ,ـضنها وهوا بيطبطب عليها بحزن ممذوج بغضب وهوا بيتواعد لهم
كانت شربات بتبصلها بحزن ودموع وقلبها موجوع علي خالتها
…………..
كان واقف جاسر في البلكونه وهوا بيتنفس سيجارته بشراسه وينظر للفراغ بتفكير… وقفت شربات جنبه نفخ دخان السيجاره وقال من غير ما يبصلها: نامت
شربات بحزن علي خالتها: ايوه فضلت جنبها لحد ما نامت دموعها يا عيني منشفتش من علي خدها… قولي طالمه انت كنت عارف من سنتين مقولتلهاش ليه علي الاقل مكنتش هتتصدم بالطريقة دي
خلص السيجاره رماها وطفاها برجله وطلع سيجارة تانيه و ولعها نفخ دخان السيجاره وقال: كنتي عايزاني اقولها ايه…. بابا طلع خاين وطلع متجوز وعنده ولد زيي في السن
شربات: علي الاقل احسن ما جات الحربايه اللي اسمها خلود وبخت سمها ومشيت وسابت خالتي موجوعه ومقهوره من العياط
خد نفس عميق من السيجاره ونفخ دخانها وهوا بيبصله بتفكير…. اتفاجأ لما شربات سحبت السيجاره منه وقالت بضيق: كفايا منتا لسه مخلص واحده
بصلها بحده وقال: ملكيش دعوه بيا وتاني مره علي الله تسحبيها مني بالطريقه دي
رمت السيجاره علي الارض وقالت بغضب ودموع: الحق عليا اني خايفه عليك
وسابته وطلعت من الاوضه وقفلت الباب وراها بص لطيفها بضيق… مسح وشه باديه بضيق شديد من نفسه ومن كل حاجه بتحصل حوليه
شويه وطلع تليفونه رن علي رقم وقال ببرود قاتل: نفذ
بعدين نزل التليفون وهوا باصص قدامه بتفكير
………
كان راجل جاسم هوا وامه خلود اللي كانت بتقول بضيق وحقد: داهيه تاخدهم كلهم علي بعض
جاسم بغضب: مهو الغلط عندك يا ماما انتي ليه مخلتيش بابا يتنازل عن كل الاملاك بإسمي قبل ما يغور كنا استفدنا بحاجه منه
خلود بضيق: قطعت سيرته مطرح ما راح
اتفاجأو بأهل المنطقه وهوا متجمعين والكل كان في حالة صدمة واللي فيه بيحوقل
قربو منهم ودخلو وسطيهم يشوفو فيه اي انصدمو بالبيت بتاعهم بيولع والنار بتاكل في كل جزء فيه…
#يتبع
#الفصل_الخامس
شهدت أسعار الذهب تراجعاً ملحوظاً على المستويين العالمي والمحلي، حيث انخفضت الأونصة بمقدار 81 دولاراً والجرام في مصر بنحو 100 جنيه، ويرجع ذلك إلى ارتفاع الدولار الأمريكي، ويتوقع الخبراء أن يشهد السوق مزيداً من التقلبات في الفترة المقبلة.
#الذهب #أسعار_الذهب #اقتصاد
